KFA- پشتی 10 یاریان یانا گارە سەركەفتنەكا گیرو توماركر و ئەف سەركەفتنە نەشیا ئەركێ‌ وێ‌ بو مانا خو د خولا نایابا پێشمەرگەهێ‌ كوردستانێ‌ دا ب سەناهی تر لێ‌ بكەت .
ژ چارچوڤێ‌ یاریێن گەرا شەشێ‌ ژ قوناغا دووێ‌ خولا نایابا پێشمەرگەهێ‌ كوردستانێ‌ یانا گارە د یاریەكا چارەنڤێسی دا مێهڤانداریا یانا هندرین كر .
ل دەستپێكا یاریێ‌ هەردوك یانە ژ بو سەركەفتنێ‌ هاتنە دناف یاریگەهێ‌ دا و یانەیا گارە ب شێوەكێ‌ باشتر سەرەدەری دگەل یاریێ‌ كر ژ یانا مێهڤان بەلێ‌ د نیڤا ئێكێ‌ دا هەردوك یانە نەت مفادار بون ژ ئەنجامێ‌ یاریێ‌ پشتی ب وەكهەڤی و بێ‌ گول نیڤا ئێكێ‌ ب دوماهیك هاتی .
د نیڤا دووێ‌ دا و هەر زوی یانا گارە پتر گڤاشتن كر و شیان ل خولەكا 49 ژ ئەنجامێ‌ فاولەكا ئێكسەر ژ لایێ‌ یاریكەرێ‌ یانا گارە بارزان حەمو ڤە هاتە جێبەجێ‌ كرن و یاریكەرێ‌ یانا هندرین شوان مجید ب خەلەتیڤە گولا ئێكێ‌ و پێشكەفتنێ‌ بو یانا گارە تومار كر ، پشتی ئەڤێ‌ گولێ‌ یانا هندرین پێكول كرن ئەنجامی وەكهەڤ بكەن بەلێ‌ هێرشێن وان د بێ‌ مفا بون ل خولەكا 80 دەرفەتەكا زێرین بو یانا هندرین دروست بو پشتی دادڤانێ‌ یاریێ‌ پەنەلتیەك بو هژمارتی بەلێ‌ كاپتنێ‌ هندرین سەنگەر یێ‌ سەركەفتی نەبو د جه ئینانێ‌ دا پشتی دلشاد فەوازێ‌ گولچی پێشكەفتنا یانا خو پاراستی و یاری د بەرژەوەندیا یانا خو یانا گارە دا ب دوماهیك ئینای ب گولەكێ‌ بەرامبەر چنە.
پشتی ڤێ‌ سەركەفتنێ‌ ئەركێ‌ یانا گارە بو مانا وێ‌ د خولێ‌ پێتڤی ب سەركەفتنەكا مەزنە د یاریا وێ‌ یا بهێت دا دگەل سیروانی نوێ‌ پێتڤی ب توماركنا پتر ژ 5 گولێن پاقژە ، هەروەسان یانا هندرين دوماهیك ب كاروانێ‌ خو یێ‌ ئەف سالە ئینا ب 15 خالان و بتنێ‌ مانا خو د خولێ‌ دا مسوگەر كریە.

ئەیسەر مستەفا – دهوك
فوتو : لاوك سلێڤانەی

Leave a Reply