KFA- له‌ گه‌ری پێنجه‌می قۆناغی دووه‌می خولی نایابی پێشمه‌رگه‌ی كوردستان یانه‌ی پێشمه‌رگه‌ی هه‌ولێرله‌سه‌ر یاریگای خۆی له‌ شارۆچكه‌ی پیرمام میوانداری یانه‌ی گازی باكوری كرد” هیچ لایه‌كیش نه‌یانتوانی خاڵی ته‌واو وه‌ربگرن” یاریه‌كه‌ به‌ به‌رامبه‌ر بوون به‌ كۆتا هات .
پلانی سه‌میر بابۆی ڕاهێنه‌ری یانه‌ی پێشمه‌رگه‌ی هه‌ولێر بۆ ئه‌وه‌ بوو بتوانێت له‌م یاریه‌ 3 خاڵ وه‌ربگرێت و به‌رێژه‌یه‌كی زۆر تیپه‌كه‌ی له‌ چوار گۆشه‌ی زێرین نزیك بكاته‌وه‌” ‌ عبدالله‌ محمودی ڕاهێنه‌ری یانه‌ی گازی باكوریش ئامانجی ئه‌وه‌بوو بتوانێت تیپه‌كه‌ی بگه‌رێنێته‌وه‌ ‌نێو كه‌شی ركابه‌ری بۆ گه‌یشتن به‌ قۆناغی داهاتوو .
له‌ سه‌ره‌تای گێمی یه‌كه‌م ‌ پێشمه‌رگه‌ باشتر ده‌ركه‌وت” و هێرشه‌كانی ئه‌م یانه‌یه‌ له‌ رێگه‌ی عبدالله‌ سه‌ربه‌ست ده‌ستی پێكرد كاتێك تۆپێكی له‌لایه‌ن ره‌وا یوسف پێدرا” به‌لام نه‌یتوانی به‌خێراوی و به‌ دروستی مامه‌ڵه‌ له‌گه‌ڵ تۆپه‌كه‌ بكات له‌لایه‌ن نیاز مه‌غدید تۆپه‌ دوور خرایه‌وه‌” دواتر كۆسره‌ت بایز تۆپێكی بۆ هه‌مان یاریزان به‌رزكرده‌وه‌ ناوچه‌ی سزا و هه‌مووان چاوه‌روانی گۆڵی پێشكه‌وتنیان ده‌كرد” به‌لام عبدالله‌ سه‌ربه‌ست لێدانه‌ سه‌ره‌كه‌ی رێره‌وی بۆ سه‌ر ستونی گۆڵی یانه‌ی گازی باكوربوو.
له‌م گێمه‌ هه‌رچه‌نده‌ چه‌ند هێرشێكی تر له‌لایه‌ن هه‌ردوو یانه‌ بۆ سه‌ر تۆڕی گۆڵی یه‌كتر هه‌بوو به‌ڵام گێمی یه‌كه‌م به‌م ئه‌نجامه‌ كۆتایی هات كه‌ ده‌ستی پێكردبوو.
‌ گێمی دووه‌م به‌ هێرشه‌كانی یانه‌ی گازی باكور ده‌ستی پێكرد به‌ دیاریكراویش له‌ خوله‌كی 47 كاتێك حسن عه‌بدولره‌زا لێدانێكی ئاراسته‌ی گۆڵی پێشمه‌رگه‌ كرد” كاوه‌ی گۆڵپارێزیش له‌ شوێنێكی گونجاو وه‌ستابوو كۆنترۆلی تۆپه‌كه‌ی به‌ ئاسانی كرد.
له‌ خوله‌كی 65 یونس شكور خه‌ریك بوو یانه‌كه‌ی به‌گۆلێك پێش بخات” جارێكی تر كاوه‌ بووه‌ به‌ربه‌ست و تۆپه‌كه‌ی به‌ دووجار دوور خسته‌وه‌.
یاریه‌كه‌ له‌ كۆتایی نزیك ده‌بوویه‌وه‌ كۆسره‌ت بایز لێدانێكی ڕاسته‌وخۆی ئاراسته‌ی گۆڵی یانه‌ی گازی باكور كرد و نه‌ریمانی گۆڵپارێزیش ئه‌ركی سه‌رشانی به‌ جێگه‌یاندوو تۆپه‌كه‌ی دوورخسته‌وه‌ .
له‌م گێمه‌ چه‌ند ده‌رفه‌تێكی تر بۆهه‌ردوو یانه‌ رێك كه‌وت” به‌لام هیچ لایه‌ك نه‌یانتوانی تۆڕی گۆڵی یه‌كتر به‌هه‌ژێنن و یاریش به‌ بێ گۆڵ كۆتایی هات .

پیرمام – بۆتان عومه‌ر
فۆتۆ – موحه‌مه‌د ئه‌حمه‌د

Leave a Reply