KFA- لە درێژەی یاریەكانی خولی نایابی پێشمەرگەی كوردستان كە ئەمڕۆ پینج شەممە گەڕی شەشەمی قۆناغی دووەم یاریەكانی كۆمەڵەی یەكەم بەرَیوەچو، هەولێر لە سەر خاك و لە بەردەم هاندەرانی توشی شكست هات و هیوای كز دەبێت لە سەركەوتن بۆ چوارگۆشەی زێڕینی خولەكە.
لە میانەی یاریەكانی قۆناغی كۆمەڵەكانی خولی نایابی پێشمەرگەی كوردستان تیپی تۆپی پێی یانەی هەولێر لەسەر یاریگای دووەمی فەرەنسۆ هەریری میوانداری یانەی نەورۆزی كرد، لەم یاریە جگە لە دۆڕان هەر ئەنجامیك لە بەرژەوەندی تیپی خاوەن یاریگا بوو، بەڵام هەر لە خولەكی 3ی یاریكە تیپی میوان بە لێدانێكی موشەك ئاسا لە دەرەوەی ناوچەی سزا لە لایەن یاریزان كارزان مستەفاوە گۆلی یەكەم و پێشكەوتنی بۆ یانەی نەورۆز تۆماركرد، دوای ئەم گۆلە هەر زوو هەولێر ڕیزەكانی ڕیكخستەوە و جڵەوی یاریەكەیان گرتە دەست و چەندین جار نزیك بوون لە تۆماركردنی گۆلی بەرامبەر بەڵام بەخت یاوەریان نەبوو، تا خولەكی 35 یوسف سەعیدی ناوبژیوان فیكەی لێدانی سزای لە بەرژەوەندی هەولێر لێدا دوای ئەوەی تۆپ بەردەستی یاریزانێكی یانەی نەورۆز كەوت لە نێو ناوچەی سزا و یاریزان بەڵێن وشیار سەركەوتوانە گۆلی بەرامبەری بۆ هەولێر تۆماركرد و گێمی یەكەمی یاریەكە بە بەرامبەر بوون كۆتایی هات، لە گێمی دووەم تیپی هەولێر باشتر دەبینران و كۆنتڕۆلی یاریگایان كردبوو وە چەندین هەلی گۆلكردنیان بۆ ڕەخسا بەلام تۆكمەیی هێڵی بەرگری یانەی نەورۆز ڕێگربوون لەبەردەم یاریزانانی یانەی هەولێر، لە بەرامبەردا هێرشە هەڵگەراوەكانی یانەی نەورۆز مەترسی بون بۆ سەر گۆلی دیدار حامیدی گۆلپارێزی یانەی هەولێر، خوێندنەوە و گۆڕانكاریە سەركەوتوەكانی یاسین مەنافی ڕاهێنەری نەورۆز سەركەوتنی بەخشیە تیپەكەی دوای ئەوەی لە خولەكی 80 یاریزان ڕێباز ئیسماعیل كە لە گێمی دووەم هاتە نێو یاریگا توانی گۆلی دووەم و سەركەوتنی یانەی نەورۆز تۆماربكات، یاری بە كۆتا هات بە سەركەوتنی یانەی نەورۆز بە دوو گۆل بەرامبەر بە گۆلێك وە بەو ئەنجامە یانەی نەورۆز بە فەرمی سەركەوت بۆ قۆناغی چوارگۆشەی زێڕین بە كۆكردنەوەی 19 خاڵ وە هەولێر لە چاوەڕوانی دوا یاری قۆناغی كۆمەڵەكانە بەرامبەر بە پێشمەرگەی هەولێر كە جگە لە سەركەوتن هیچ ئەنجامێكی تر سەری ناخات بۆ چوارگۆشەی زێڕینی خولەكە.

هەڤاڵ هەڵمەند

فۆتۆ: محمەد سەعدوڵا

Leave a Reply