KFA- یاریەكانی قۆناغی سێیەمی خولی نایابی تۆپی پێی پێشمەرگەی كوردستان كۆتای هات بەئەنجامدانی دوو یاری‌و یانەی نەورۆزیش لەناو لەیاریگای خۆی جارێكی دیكە نەیتوانی سەركەوتن تۆماربكات وبەیانەی كەركوك دۆرا بەگۆڵێك خاوێن .

لە یاریگای سلێمانی یانەی نەورۆز میوانداری یانەی كەركوكی كرد، بردنەوەییانەكەی شاری سلێمانی لەپێشەنگی ڕیزبەندی خۆی زیاتر قایمتر دەكرد، لەبەرامبەردا بردنەوەی كەركوك ئەو یانەیەی دەخستەوە ناو ڕكابەریەكان.
تایمی یەكەمی یارییەكە بێ گۆڵ وبەخاوێنی كۆتایهات ، لەتایمی دووەم و لەخولەكی 52دا یانەی كەركوك لەڕێی ئۆگۆپاچییەوە بەلێدانی پەنالتی گۆڵی یەكەمی تۆمار كرد , دوای ئەو گۆڵە یانەی نەورۆز بەتەواوی كۆنترۆڵی یاریەكەی كرد‌و هەرچی لەتوانایدا بوو كردی تەنها گۆڵ كردن نەبێت، لەكۆتاییدا یاریەكەش بەو تاكە گۆڵە بەسودی یانەی كەركوك كۆتای هات.

بەوئەنجامە یانەی نەورۆز كۆی خاڵەكانی كردە چوار خاڵ ولەپلەی سێیەمدایەو كەركوكیش بە كۆكردنەوەی سێ خاڵ لەپلەی كۆتاییدایە.

گۆران محمد سلێمانی

Leave a Reply