KFA- له‌ كه‌شێكی باراناوی و سارددا یانه‌ی كه‌ركووك میوانداری له‌ یانه‌ی پێشمه‌رگه‌ی هه‌ولێری كردو له‌ یه‌كه‌م یاری قۆناغی چوار گۆشه‌ی زێرین خولی پله‌ نایه‌بی پێشمه‌رگه‌ی كوردستان ڕووبه‌ڕووی یه‌كه‌م شكست بووه‌ له‌ نێو یاریگه‌ و هانده‌رانی خۆیدا .

به‌هۆی ئه‌و بارانبارینه‌وه‌ هه‌ر دوو لا له‌ سه‌ره‌تاوه‌ به‌ شێوه‌یه‌كی مام ناوه‌ند یارییان ده‌كرد، هه‌ولی تۆمار كردنی گۆلی پێشكه‌وتن و هه‌ژاندنی تۆری یه‌كتریان ده‌دا. به‌ڵام هیچ كام له‌ هێرشه‌كانیان سه‌ركه‌وتو نه‌بوون تاكو له‌ خوله‌كی 34 یاریزان ” عیماد ئه‌سعه‌د ” توانی له‌ ڕێگه‌ی شووتیكه‌وه‌ گۆلی یه‌كه‌می یانه‌ی پێشمه‌رگه‌ی هه‌ولێر تۆماربكات.

یاریزانانی یانه‌ی كه‌ركووك چه‌ند هه‌ولێكی تۆماركردنی گۆلیان له‌ ده‌ست دا، به‌ڵام سه‌رچه‌م هه‌وڵه‌كانی یاریزانانی یانه‌ی كه‌ركووك بێ سوود بوون .نیوه‌ی یه‌كه‌می یاریه‌كه‌ به‌ گۆلێكی بێ به‌رامبه‌ر له‌ به‌رژاوه‌ندی پێشمه‌رگه‌ی هه‌ولێر كۆتای هات

له‌ نیوه‌ی دووه‌م هه‌ردوو یانه‌ درێسه‌كانیان گۆڕی به‌هۆی قوڕاو باران بارینه‌كه‌وه‌، هه‌ر له‌ سه‌ره‌تادا یانه‌ی كه‌ركووك ده‌ستی كرد به‌ هێرشكردنه‌ سه‌ر تۆری یانه‌ی میوان و تاكو له‌ خوله‌كی 75 یاریزان ” به‌رهه‌م به‌هائه‌دین ” توانی گولی یانه‌ی میوان بهه‌ژێنیت و ئه‌نجامی یارییه‌كه‌ یه‌كسان بكاته‌وه‌، ئه‌مه‌ش بووه‌ مایه‌ی دلخۆشی هانده‌رانی یانه‌كه‌ .
به‌لام دلخۆشی هانده‌رانی یانه‌ی كه‌ركووك زۆری نه‌خایه‌ند و له‌ خوله‌كی 87 یاریزان” هۆزان جه‌میل” توانی هه‌ڵه‌یه‌كی یاریزانی هێلی به‌رگری یانه‌ی كه‌ركووك بقۆزیته‌وه‌ و گۆلی سه‌ركه‌وتن و پێشكه‌وتنی یانه‌ی پێشمه‌رگه‌ی هه‌ولێر تۆمار بكات.

ئه‌نجامی كۆتایش به‌ 2 -1 له‌ به‌رژه‌وه‌ندیی یانه‌ی پێشمه‌رگه‌ی هه‌ولێر، كه‌ بوونه‌ خاوه‌نی 3 خاڵی سه‌ركه‌وتنی یارییه‌كه‌.

كه‌ركووك – ئارام شێركۆ

Leave a Reply