KFA- سبه‌ی پێنجشه‌ممه‌ گەڕی یەكەمی یارییەكانی چوارگۆشەی زێرینی خولی نایابی پێشمەرگەی كوردستان ده‌ستپێده‌كات و وەكو وەفایەك بۆ شەهیدانی كیمیابارانی هەڵەبجە یارییه‌كانی ده‌ستپێك خرایه‌ ئه‌م رۆژه‌.
سبه‌ی دوو یاریی به‌ڕێوه‌ده‌چن و تێیدا یانەی كەركووك، كه‌ به‌ یه‌كه‌می كۆمه‌ڵه‌ی دووه‌م سه‌ركه‌وت بۆ ئه‌م قۆناخه‌، لە یاریگەی خۆیدا میوانداریی پێشمەرگەی هەولێر دەكات.
له‌ سلێمانی و له‌ یاریگه‌ی سه‌ره‌كی شاره‌كه‌شدا، كه‌ یاریگه‌ی یانه‌ی سلێمانییه‌، یانەی نەورۆز رووبەرووی یانه‌ی شێروانە دەبێتەوە.
یارییه‌كان كاتژمێر 3:30 به‌ڕێوه‌ده‌چن و چاوه‌ڕوانده‌كرێت ئاستی یارییه‌كان به‌رز بێت.
یارییه‌كانی چوارگۆشه‌ی زێڕین به‌ شێوازی خول به‌ دوو قۆناخی چوون و گه‌ڕانه‌وه‌ به‌ڕێوه‌ده‌چێت و ئه‌و یانه‌یه‌ی زۆرترین خاڵ كۆبكاته‌وه‌، ده‌بێته‌ پاڵه‌وانی ئه‌م وه‌رزه‌ی تۆپی پێی كوردستان.

Leave a Reply