KFA- د یاریه‌كا ئاست ناڤنجى دا تیما ته‌پا پێى یا زاخۆ ژده‌رڤه‌ى یاریگه‌ها خوه‌ شیا سێ خالێن زێرین ژ مێڤاندارا خوه‌ یانا گاره‌ چێكه‌ت پشتى شیاى سه‌ركه‌فتنێ توماربكه‌ت ب گولا یاریكه‌رێ خوه‌ سه‌ردار عومه‌ر

د نیڤا ئێكێ دا گاره‌ باشتر دهاته‌ دیتن و زاخو ژى پشت به‌ستن كربوو لسه‌ر هێرشێن هه‌ڤدژ و هه‌ر دڤێ نیڤێ دا دوو ده‌لیڤێن گولكرنێ بو گاره‌ دروست بوون لێ یاریزانێن وێ نه‌ د سه‌ركه‌فتى بوون د توماركرنا گولێ دا

د نیڤا دویێ دا ئاستێ یاریێ هه‌تا راده‌كى باشتر لێهات و زاخو چه‌ندین هێرش برنه‌ سه‌ر گولا گاره‌ و ده‌ر ئه‌نجامێ ڤان هێرشان سه‌ردار عومه‌ر مفا ژ كورنه‌ره‌كێ وه‌رگرت و گولا پێشكه‌فتنێ ل ده‌قیقا 65 بو زاخو توماركر ، پشتى ڤێ گۆلێ گاره‌ بزاڤێن مه‌زنێن توماركرنا گولا وه‌گكهه‌ڤیێ كرن و د چه‌ندین هه‌لكه‌فتاندا یا نێزیك لێ هه‌ر وه‌ك نیڤا ئێكێ هێرشێن وان هه‌مى دبێ مفابوون و یارى ب سه‌ركه‌فتنا یانا زاخو بدووماهى هات ب گوله‌كێ بێ به‌رامبه‌ر.

دهۆك – ملله‌ت جه‌مال

Leave a Reply