KFA- د یاریەكا ئاست ناڤنجی دا تیما تەپا پێی یا یانا دهۆك نەشیا مفای ژ ئەرد و جەماوەرێ‌ خوە ببینیت پشتی وەكهەڤبووی د دێربیێ‌ پارێزگەهێ‌ دا ل گەل جیرانا خوە یانا زێرەڤانی
د بیست خولەكێن دەستپێكێ‌ دهۆك چەندین هێرشێن مەترسیدار ب رێكا پیشەكارێ‌ خوە جونیور و وەلید سەلمان برنە سەر گولا تیما مێڤان لێ‌ هەمی هێرشێن وان دبێ‌ دووماهی بوون و بەرامبەر زێرەڤانی دڤێ‌ نیڤێ‌ دا نەشیا چوو مەترسیان لسەر گولا دهۆكێ‌ پەیداكەتن و ئەڤ نیڤە بێ‌ گول بدووماهیك هات.
د نیڤا دویێ‌ دا هەر دو تیم بو سەركەفتنێ‌ هاتبوونە دناڤ یاریگەهێ‌ و زێدەتر دهۆك كو باشتر دهاتە دیتن و شیا مەترسیێن زور لسەر گۆلا تیما مێڤان دروست بكەن و یاریزانێ‌ وێ‌ محەمەد سالح شیا گولەكێ‌ توماربكەت لێ‌ دادڤانی ب ئوفساید هژمارت و بەرامبەر زێرەڤانیێ‌ چ مەترسی نەبوون لسەر گولا دهۆكێ‌ بتنێ‌ تەپا بژار حەبیب نەبیت ئەوا ژلایێ‌ گولچیێ‌ دهۆكێ‌ ڤە هاتیە دیركرن و یاری بێ‌ گول ب دووماهیك .
بڤی ئەنجامی هەلویستێ‌ هەر دو تیمان نەهاتە گووهارتن و هەر مانە ل بنێ‌ لیستا خولێ‌ ب 10 خالان و د حەفتیێن بهێت دا زێرەڤانی دێ‌ چاڤ ل شكەستنا هەڤركان بیت و دهۆك هێشتا چارەنڤیسێ‌ وێ‌ ددەستێ‌ وێ‌ دایە.

دهۆك، ئالان حسێن

 

Leave a Reply