KFA- رۆژانی پێنجشەممە و هەینی كۆتایی بە یارییەكانی هەردوو كۆمەڵەی خولی نایابی پێشمەرگەی كوردستان هات بە دەستنیشانكردنی هەر چوار یانەی سەركەوتوو بۆ چوار گۆشەی زێرین و هەروەها دیاریكردنی ئەو دوو یانەیە، كە دابەزین بۆ خولی پلە یەكەكانی كوردستان بۆ وەرزی داهاتوو، ئەمەی خوارەوە ئاماری گشتی خولەكەیە پێش دەستپێكردنی یارییەكانی چوار گۆشەی زێرین.
– بەفەرمی هەرچوار یانەی (پێشمەرگەی هەولێر، نەورۆز) لە كۆمەڵەی یەكەم و ( كەركووك، شێروانە) لە كۆمەڵەی دووەم سەركەوتن بۆ چوار گۆشەی زێرین سەركەوتن.
– بەفەرمی هەردوو یانەی ( دهۆك، گارە) دابەزین بۆ خولی پلە یەكەكانی كوردستان بۆ وەرزی داهاتوو.
– دوای بەرێوەچوونی (84) یاری تەنیا (139) گۆڵ تۆماركراوە بەرێژەی زیاتر لە گۆلێك لە هەر یارییەك تۆماركراوە.
– لە كۆی 139 گۆڵ (17) گۆڵ بە لێدانی سزا تۆماركراوە و (3) گۆڵ بێ خاونە بە بریاری یەكێتی تۆپی پێی كوردستان هەژماركراوە و (یەك) گۆڵ بە هەڵەتۆماركراوە لە لایەن یاریزانی یانەی هەولێر (دڵدار خدر).
– یانەی پێشمەرگەی هەولێر خاوەنی بەهێزترین هێڵی هێرشبەرە بە تۆماركردنی (15) گۆڵ و یانەی برایەتی خاوەنی لاوازترین هێڵی هێرشبەرە بە تۆماركردنی (4) گۆڵ.
– هەردوو یانەی هەولێر و گارە خاوەنی لاوازترین هێڵی بەرگرین 15 گۆڵیان لێ تۆماركراوە و یانەی برایەتی خاوەنی بەهێزترین هێڵی بەرگریە تەنیا (4) گۆڵی لێ تۆماركراوە.
– یاریزانی یانەی شێروانە(عەلی كاكە مینە) بەتۆماركردنی شەش گۆڵ لە پێشەنگی گۆڵكارانی خولی نایابی پێشمەرگەی كوردستان دێت و هەریەكە لە یاریزانان (میران كەریم) لە یانەی پێشمەرگەی هەولێر و (بەڵێن وەشیار) لە یانەی هەولێر و (عەبدوڵڵا سەربەست) لە یانەی پێشمەرگەی هەولێر بەتۆماركردنی پێنج گۆڵ لە پلەی دووەمی ریزبەندی گۆڵكاران دێن.
– یانەكانی شێروانە و نەورۆز و گازی باكوور زۆترین لێدانیان سزایان لە دژ هەژماكراوە، كاتێك چوار لێدوانی سزایان لە دژ گیراوە.
– یانەی دهۆك زۆرترین لێدانی سزای بۆ هەژماركراوە، كاتێك ناوبژیوانان چوار لێدانیان سزایان بۆ هەژماركردووە.
– هەردوو یانەی نەورۆز و شێروانە هیچ لێدانێكی سزایان بۆ هەژمارنەكراووە.
– گۆڵپارێزی یانەی گازی باكوور (نەریمان خدر) تاكە گۆڵپارێزە، كە رێگر بوو لە بەردەم تۆماركردنی دوو گۆڵ بە لێدانی سزا.
– هەر چوار یانەی سەركەوتوو بۆ چوار گۆشەی زێرینی خولی نایابی پێشمەرگەی كوردستان كۆی خاڵەكانیان (19) خاڵ بوو و هەر چوار یانە خاوەنی زۆرترین سەركەوتنن، كاتێك توانیان لە پێنج یاری سەركەوتن تۆماربكەن.
– لەم وەرزە یانەی گارە تەنیا توانی لە یەك یاری سەركەوتن بە دەستبهێنێت.
– یانەی برایەتی خاوەنی زۆرترین یەكسانبوونە، كاتێك لە هەشت یاری تووشی یەكسانبووە، كە شەش یەكسانبوونی بە ئەنجامی (0-0) تەواو بووە.
– لەگەڵ تەواوبوونی یارییەكانی هەردوو كۆمەڵە پێنج یانە دەستبەرداری راهێنەرەكانیان بوون، دوای ئەوەی شەش راهێنەر لە پۆستی راهێنەرایەتی یانەكانیان دوورخرانەوە، بەمشێوەیە:
1- یانەی زاخۆ: لە كۆتاییەكانی خولی نایابی پێشمەرگەی كوردستان دەستبەرداری راهێنەر (محەمەد یوسف) بوو لە شوێنی ئەو (هادی ئەحمەد) دەستنیشانكرا.
2- یانەی هەندرێن: تەها قادر دەستی لە راهێنەرایەتی یانەكە كێشاوە و (دلشاد مەعروف) لە شوێنی ئەو دەستنیشانكرا.
3- یانەی زێرەڤانی: سەمیر بابۆ دەستی لە راهێنەرایەتی یانەكە كێشاوە و (هەرمان ساڵح) لە شوێنی ئەو دەستنیشانكرا.
4- یانەی گارە:سەفوان عەبدولغەنی دەستی لە راهێنەرایەتی یانەكە كێشاوە و (دلخواز) لە شوێنی ئەو دەستنیشانكرا.
5- یانەی پێشمەرگەی هەولێر: سەرەتا دلشاد مەعروف دەستی لە راهێنەرایەتی یانەكە كشایەوە و فەتحی قەرەنی بەشێوەیەكی كاتی وەكو راهێنەر دەستنیشانكرا پاشان ( سەمیر بابۆ) وەكو راهێنەری یانەكە دەستنیشانكرا.
ریزبەندی هەردوو كۆمەڵە دوای تەواوبوونی یارییەكان بەمشێوەیە:
كۆمەڵەی یەكەم
1- پێشمەرگەی هەولێر 19 خاڵ
2- نەورۆز 19 خاڵ
3- هەولێر 15 خاڵ
4- برایەتی 14 خاڵ
5- گازی باكوور 13 خاڵ
6- زێرەڤانی 13 خاڵ
7- دهۆك 12 خاڵ
كۆمەڵەی دووەم
1- كەركووك 19 خاڵ
2- شێروانە 19 خاڵ
3- زاخۆ 17 خاڵ
4- ئارارات 16 خاڵ
5- هەندرێن 15 خاڵ
6- سیروانی نوێ 14 خاڵ
7- گارە 8 خاڵ

رێبین رەمزی

Leave a Reply